مری واپڈا نے غریب محنت کش کا تین ماہ کا بل ایک لاکھ بیس ہزار سے زائد بنا دیا

اسلام آباد (وقاٸع نگار)واپڈا مری نے غریب محنت کش کو تین ماہ کا بجلی کا بل ایک لاکھ بیس ہزار سےزائد بنا دیا جبکہ تین ماہ کے دوران اس کے ذمے 3500 سے زاٸد یونٹ بجلی بھی ڈال دی۔دو سال دفاتر کے چکر لگانے کے بعد بی بل درست نہ ہوسکا جس پر راجہ افضال سلیم نے وفاقی محتسب میں کیس داٸر کردیا۔تفصیلات کے مطابق مری کی یونین کونسل گھوڑاگلی کے علاقے پلی میں محکمہ واپڈا کی مبینہ نااہلی اور عوام کے ساتھ زیادتی کا واقعہ سامنے آیا جس میں پلی کے رہاٸشی قیصر منصور عباسی ولد محمد منظور عباسی نے اکتوبر 2021 بجلی کا نیا کنکشن لگوایا جس کا ابتداٸی تین ماہ بل ہی نہ آیا اور تین ماہ بعد جب بل آیا تو وہ 3558 یونٹ کا 122885روپے تھا۔اس بل کے مطابق صارف نے تین ماہ میں 3500 سے زاٸد یونٹ بجلی استعمال کی تھی ۔قیصر منصور عباسی کا کہنا ہے بل ملنے کے بعد وہ واپڈا آفس مری گیا اور انھیں تمام صورتحال بتاٸی انھوں نے تسلی دی کہ غلطی سے اتنا بل آگیا ہم اگلی بار درست کردیں گے مگر بعد میں واپڈا اہلکار میٹر اتار کر لے گٸے اور کہا کہ تم نے اتنی بجلی جلاٸی ہے تمھیں بل دینا پڑے گا میں نے بتایا کہ میرے گھر میں فیکٹری تو نہیں لگی ہوٸی دو کمروں کا گھر ہے میں نے تین ماہ میں اتنا زیادہ بجلی کس طرح جلاٸی مگر وہ کوٸی بات ماننے کے لیے تیار ہی نہ ہوٸے اور مجھے مختلف دفاتر کے چکر لگواتے رہے میں نے اپنے بھاٸی کے میٹر سے تار لگواٸی تو وہ میرے بھاٸ کا میٹر بھی اتار کر لے گٸے اور میرے بھاٸی کے بل میں وہ بل شامل کر کے بھیج دیا۔بعد میں میرا بھاٸی واپڈا دفتر گیا اور بڑی مشکل سے میٹر واپس لایا۔میں دفاتر کے چکر لگا لگا کر تھک گیا ہوں میرا مسٸلہ حل نہیں ہو رہا میں ان پڑھ آدمی ہوں مجھے انصاف دلوایا جاٸے اس پر راجہ افضال سلیم نے محکمہ واپڈا کے خلاف وفاقی محتسب میں کیس داٸر کیا ہے جہاں سے امید ہے کہ انصاف ملے گا اور یہ ناجاٸز بل ختم ہوگا۔